Kabir Shabda Sudha

કબીર શબ્દ સુધા
સંપાદક : શ્રી ઈશ્વરભાઈ પ્ર. પટેલ (પરમાર્થી)

હરિ-ઠગ ઠગત સકલ જગ ડોલૈ, ગવન કરતા મોસે મુખહું ન બોલૈ  - ૧

બાલાપન કે મીત હમારે, તજિ કહં ચલેઉ સકારે  - ૨

તુમહિ પુરુષ મૈં નારિ તુમ્હારિ, તુમ્હારિ ચાલ પાહનહું તે ભારી  - ૩

માટિક દેહ પવન કે સરીરા, હરિઠગ ઠગસે ડરહિં કબીરા  - ૪

સમજૂતી

આત્મા રૂપી ધન ચોરનાર ચોરથી આખું જગત ભટકે છે.  (શરીર કહે છે કે) જીવ જતી વખતે મારી સાથે મોઢેથી તો કંઈ બોલતો નથી !  - ૧

હે જીવ, તું તો મારો બચપણનો દોસ્ત છે !  મને છોડીને તું જલદીથી ક્યાં જઈ રહ્યો છે ?  - ૨

હે જીવ, તું મારો પુરુષ ને હું તારી સ્ત્રી છું. પરંતુ તારું હૃદય પથ્થરથી પણ વધુ કઠણ છે.  - ૩

માટીમાં સ્થૂળ શરીર અને પવનનાં સૂક્ષ્મ શરીરમાં મન રૂપ ચોર રહે છે અને કબીરના ભક્તો તેનાથી ડરે છે.  - ૪