Kabir Shabda Sudha

કબીર શબ્દ સુધા
સંપાદક : શ્રી ઈશ્વરભાઈ પ્ર. પટેલ (પરમાર્થી)

હરિ-ઠગ ઠગત ઠગૌરી લાઈ, હરિ વિયોગ કસ જિયહુ રે ભાઈ - ૧

કો કાકો પુરુષ કવન કાકિનારી, અકથ કથા જમ દિસ્ટિ પસારી  - ૨

કો કાકો પુત્ર કવન કાકો બાપા, કો રે મરૈ કો સહૈ સંતાપા  - ૩

ઠગિ ઠગિ મૂલ સભન કો લીન્હા, રામ ઠગૌરી કાહું ન ચીન્હા  - ૪

કહંહિ કબીર ઠગ સોં મન માના, ગઈ ઠગૌરી જબ ઠગ પહિચાના  - ૫

સમજૂતી

હરિ રૂપી ધન ચોરી જનાર મન રૂપી ચોરે સમગ્ર સંસારને ઠગ્યો છે !  હે ભાઈઓ, હરિના વિયોગથી તમે કેવી રીતે જીવિત રહી શકશો.  - ૧

કોણ કોનો પુરુષ અને કોણ કોની સ્ત્રી છે ?  આ તો યમરાજે ન કહેવા જેવી કથાને ક્રૂર દ્રષ્ટિથી વિસ્તારી છે !  - ૨

કોણ કોનો પુત્ર અને કોણ કોનો બાપ ?  કોણ મરી જાય ને કોણ સંતાપ સહન કરે ?  - ૩

મન રૂપી ચોરે છેતરી છેતરીને સર્વની મૂળ પૂંજી લીધી છે છતાં પણ કોઈએ તે રામ રૂપ ધનની ચોરીને પહેચાની નથી.  - ૪

કબીર કહે છે કે જીવાત્માને મન રૂપી ચોર સાથે પ્રેમ થઈ ગયો બાકી ચોર ઓળખાય જાય તો ચોરી થતી અટકી જાય છે !  - ૫