Kabir Shabda Sudha

કબીર શબ્દ સુધા
સંપાદક : શ્રી ઈશ્વરભાઈ પ્ર. પટેલ (પરમાર્થી)

હરિજન હંસ દશા લિયૈ ડોલૈં, નિરમલ નામ ચુનિ ચુનિ બોલૈં  - ૧

મુક્તાહલ લિયે ચોંચ લોભાવૈં, મૌન રહૈ કી હરિ જસ ગાવૈ  - ૨

માન સરોવર તટકે બાસી, રામ ચરન ચિત્ત અન્ત ઉદાસી  - ૩

કાગા કુબુધિ નિકટ નહિ આવૈ, પ્રતિદિન હંસા દરસન પાવૈ  - ૪

નીર ધીર કા કરૈ નિબેરા, કહંહિ કબીર સોઈ જન મેરા  - ૫

સમજૂતી

હરિનો ભક્ત જીવનમુક્ત દશા પ્રાપ્ત કરી હરિના નિર્મળ નામો પસંદ કરી બોલતો રહે છે.  - ૧

ક્યારેક તે મોતી રૂપી પોતાનો ખોરાક મેળવવા પોતાની ચિત્તરૂપી ચાંચ મોટી કરે છે તો ક્યારેક તે મૌન રહી મનોમન હરિના ગુણગાન ગાતો રહે છે.  - ૨

તે તો માનસરોવરનો વાસી હોય છે અને તેનું ચિત્ત રામના ચરણમાં લીન રહેવાથી અન્ય પદાર્થો માટે ઉદાસીન રહેતું હોય છે.  - ૩

દરરોજ જીવન મુક્ત મહાપુરુષોના દર્શન થતાં હોવા છતાં કાગ બુદ્ધિવાળો જીવ તેની પાસે આવતો નથી.  - ૪

તેથી કબીર કહે છે કે જે પાણીને દૂધ છૂટું પાડી સત્ય ને અસત્યનો નિર્ણય કરી શકે છે તે જ ભક્ત મને તો પ્રિય છે.  - ૫