શબ્દ - ૧૦૮ : અબ હમ ભૈલિ બહુરિ જલમીના

કબીર શબ્દ સુધા
સંપાદક : શ્રી ઈશ્વરભાઈ પ્ર. પટેલ (પરમાર્થી)

અબ હમ ભૈલિ બહુરિ જલમીના, પુરબ જન્મ તપકા મદ કીન્હા  - ૧
તહિયા મૈં અછલૌં મન વૈરાગી, તજલૌં કુટુમ રામલાગી  - ૨
તજલૌં કાસી મતિ ભઈ ભોરી, પ્રાણનાથ કહુ કા ગતિ મોરી  - ૩
હમહિ કુસેવક તુમહિ અયાના, દુઈ મંહ દોષ કાહિ ભગવાના  - ૪
હમ ચલિ અઈલી તુમરે સરના, કતહું ન દેખો હરિકે ચરના  - ૫
હમ ચલિ અઈલુ તુમરે પાસા, દાસ કબીર ભલ કૈલ નિરાસા  - ૬

સમજૂતી

પૂર્વ જન્મમાં મેં તપશ્ચર્યાનું અભિમાન કરેલું તેથી આ જન્મમાં ફરીથી પાણીની માછલી પાણી વિના તડપે તેમ હે પ્રભુ, તારા વિના મારે તડપવું પડે છે.  - ૧

હે પ્રાણનાથ !  મારી ભોળી બુદ્ધિએ જ્ઞાનરૂપી કાશી નગરીનો ત્યાગ કરી દીધો તેથી હવે મારું શું થશે ?  - ૨

એ વખતે મારું મન વૈરાગી હતું તેથી રામની લગનીમાં મેં કુટુંબ કબીલાનો પરિત્યાગ કર્યો હતો.  - ૩

હે પ્રભુ, હું તમારો દુષ્ટ સેવક ગણાઉં કે તમે મારી સેવાથી અજાણ્યા છો ?  આપણા બેમાં કોણ દોષિત કહેવાય ?  - ૪

મારી ભોળી બુદ્ધિ તો મને તમારા શરણમાં લઈ આવી છે પરંતુ તમારાં ચરણનાં કોઈ ચિન્હો મને હજી સુધી દેખાયા નથી !  - ૫

હું તમારી પાસે એ રીતે ચાલ્યો આવ્યું છું પણ તમે મને બિલકુલ નિરાશ કરી રહ્યા છો !  - ૬